Ngakchia he mawttaw in umkal tikah

Kum 7 tang ngakchia hna kha mawttaw in umkalpi an si tikah, ngakchia tthutnak ah tthutter hrim an hau tiah Australia phunglam (Upadi) nih a ti. Cucu, maawttaw eksidenh ton sual tikah, ngakchia hna kha khawndennak in kilvelnak ca ah a si.

Ngakchia tthutnak hna cu anmah le an kum rup le an hmet-ngan ning cio in a herh. Ngakchia tthutnak cu a tthutu ngakchia ca ah aa rupmi hrimhrim a si lai, ningcangte in mersan le reh/hrenh khawhmi le mawttaw chungah hmante in hrenhchih khawhmi a si a herh.

Bawhte thla 0-6

Bawhte tthutnak cu mawttaw hnulei hrimhrim ah chiah ding – mawttaw hmailei ah chiah hrimhrim LO ding. Bawte tthutnak cu mawttaw hnulei hoih in chiah hrimhrim ding.

Bawhte thla 6 in kum 4 ngakchia

  • Bawhte/ngakchia tthutnak kha a hmailei hoih in siseh, a hnulei hoih in siseh, mawttaw chungah a um ciami taimennak hri he an tthutnak hrenchih in umkalpi khawh an si. Ngakchia cu an tthutnak he mawttaw hmailei ah tthutter hrimhrim LO ding – A hnulei lawngah tthutter ding.
  • Ngakchia kum 8 tiang ca ah, mawttaw chungah bunh/chiah ciami tthutnak cu hman khawh a si cang.

Ngakchia kum 4 in a tlawm bik kum 7

  • An hmet-ngan hoih in, mawttaw hmailei hoih in siseh, anemmi tthutnak (booster seats) chiahpiakmi in siseh, umkalpi khawh an si. Anemmi tthutnak (booster seats) chiahpiakmi nih, ngakchia kha sangdeuh ah a cawi hna i taimennak (seatbelts) hmang kho ve dingin izawnte in a chiah hna.
  • Mawttaw hnulei tthutnak dihlak ah kum 7 tang ngakchia hna an tthut dih cang lawng ah ngakchia kum 4-7 kar cu mawttaw hmailei tthutnak ah anemmi tthutnak chiahpiak in tthuter khawh a si.
  • Anemmi tthutnak (Booster seats) ah hin, a hnulei le a cunglei in hri hrennak a ummi hi a dang ngakchia tthutnak nakin a himbawm deuhmi a si.
  • 145 cm tiang an tung a san hlan lo, anemmi tthutnak (booster seats) an hmanawk a si. Upa tthutnak ah an hmet lio tuk in an tthut sual ahcun, mawttaw eksidenh ton sual tikah hliamhma fak tukin an ing lai.

Ngakchia tthutnak bunh/chiah tikah

Na mawttaw chungah ngakchia tthutnak asiloah anemmi tthutnak chiahpiakmi na bunh/chiah tikah, an sernak sehzung nih bunh/chiah ningcang an ttialmi kha zul zungzal.

Ngakchia kum 4 tang ca ah mawttaw chungah tthutnak bunh/chiah ti a sullam cu:

  • Ngakchia tthutnak i a awnnak kua in taimennak (seatbelt) kha sawh le rengh/hrenchih in mawttaw chungah bunh/chiah a si.

Ngakchia kum 4 cung ca ah – a neemmi tthutnak (booster seat) chiahpiak in umkalpi tikah:

  • A cunglei hrennak/ttemnak hri a um ahcun, mawttaw ah hreng/ttemchih.
  • Taimennak (seatbelt) kha rengh in ngakchia kha men/khih ve a hau.
  • A cunglei hrennak/ttemnak hri cu mawttaw ah hren/ttemchih a si.

Ngakchia tthutnak thimning

Ngakchia tthutnak siseh, anemmi tthutnak (booster seat) ah hin Australian safety standards (AS/NZS 1754) (Australia nih himnak ca ah a cohlanmi) lawng hi hman khawh an si. A sullam cu, ram dang ah cawkmi ngakchia tthutnak hna cu hika Australia ram ah hman khawh an si lo.

Hman cangmi (second hand) ngakchia tthutnak (restraints) asiloah anemmi tthutnak (booster seats) hna cu a rawkmi le a him ti lo mi an si khawh caah a hman hrial hna.

  • Cu hren/ttemnak hri cu ngakchia tthutnak kha i thui lo dingin renghnak an si.

Mawttaw chung ngakchia tthutnak hman lo ruangah chawva dantatnak nganpi le mawttaw license point zong zulpiak a si. Hi dantatnak cu mawttaw chungah ngakchia tthutnak kha ningcangte in a chia/bunh lo mi pumpak pakhat cio ca ah a si.