Mawtaw In Nauhak thawn khualtlawnnak

Australia daan cun nauhak kum 7 hnuailam pawl mawtaw thawi’ khual an tlawn tikah nauhak kilhhhrennak tokham an hmang tengteng ding tihi a si. Hi tiih an tinak san cu pahawknak le khawnawknak ihsin nauhak an him theinak dingah a si.

Nauhak kilhhrennak hi an kum zat ih zirin a tum le tet le an tul dan a dangdang. Hi kilhhrennak hi an mah le ih tawk mi cekci ih tuah in, felfaite ih ti hnget mi, mawtaw sungah a si danding vek ih bun cia tengteng ding mi a si.

Naute Suakpek Thla 0-6 karlak

Hi pawl cun a dunglamhoi mi hman tengteng ding a si. Nau hrenkilhnak hi dunglam tonak ah a um ding a si - hmai lam ah ASILO ding.

Nauhak thla 6 ihsin kum 4 karlak

  • An ni pawl hrang ahcun dunglam hoi a silole hnailam hoiin an to theiih, a kilhnak hri thawn felfai teih a um mi a si ding, tum le tet dan ih zirin a dang dang. Nau hrenkilhnak hi dunglam tonak ah a um ding a si - hmai lam ah ASILO ding.
  • Nauhak kum 8 tiang hrang, tu ahcun an mah kilhnak ding hrang ih tuah hleice mi taihren hri a um a si.

Nauhak kum 4 ihsin kum 7 tiang hrang

  • Hi pawl cu a hmailam hoiin an to theinak lole tisan deuhnak tohkham khal a um, an tum le tet dan ih zirin hman theih a si. Tisan deuhnak tohkham hin, tonak taikhap hri ih kilhtawk dingin nauhak malte a ti sang ter deuh.
  • Nauhak kum 4-7 tiang cun a hmailam ah an to thei (tisan deuhnak tohkham hmangin) asinan hihi a dunglam tonak ah kum 7 hnuailam nauhak an zate an to khat lawngah a si.
  • Tisan deuhnak tohkham ih dunglam le a tlun lam ih hri um hi a dang pawl hnakin a himdam deuh.
  • Nauhak hi an san lam 145cm a sihlan tiang tisan deuhnak tohkham an hmang tul. Upa pawl tohnak ih taikhap a hman lohli ahcun cangsualnak le pahawknak a um tikah an hrang a tihnung hleicuang.

Kilhhrennak bunnak

Na mawtaw sungih nauhak tonak kilhhrennak lole tisan deuhnak tokham pawl na bun tikah, a tuahtu pawl ih bun danding an timi vek thlun ringring aw.

Nauhak kum 4 hnuai hrang, kilhhrennak bun dan timi cu:

  • Kilhhrennak bunnak ding hrang ih an tuah mi mawtaw tonak sungih hri thawn hnget zetih hren tinak a si.

Nauhak kum 4 tlun, Tisan deuhnak tohkham thawn khual tlawnnak:

  • Mawtaw tlun lam ih awhnak hri bunnak an tuah mi awhnak te a um ahcun
  • Hnget zetin nauhak hi taikhap thawn hren ding mi a si.
    A tlun lam ih hrikhal mawtaw sungih awhnak te ih kilh a si.

Kilhhrennak hrilnak

Nauhak hrang liolio ih kilhhrennak le tisan deuhnak tohkham pawl, Australia thawn himdannak hrang milaw mi vekih tuahnak tahfung (AS/NZS 1754) lawng hi hman sian a si. A simfiang duh mi cu ramdang ihsi an tuah mi cu sian a silo.

Mi dang ih hman zo mi pawl hi hman lo tum hramhram ding, siatnak tete tla a um thei ih a himdam lo.

  • Taihri hrennak pawl in nauhak fek zetin a kilhhreng theinak dingah a si.

Nauhak kilhhrennak hmanlo ruangah cawhkuannak tampi le tisualnak ruangih hmat zuhsaknak pawl khal tampi a um. Hi cawhkuannak cu mawtaw sungih a totu zozo khal, nauhak thate ih kilhhrennak a tuahlo tu zate a huap tel a si.